കോടതിയില് അപ്രതീക്ഷിത അതിഥി; മജിസ്ട്രേറ്റിന്റെ ചേംബറിലെ പാമ്ബ് പരിഭ്രാന്തി പരത്തി
മജിസ്ട്രേറ്റിെന്റ ചേംബറിലെ പാമ്ബ് പരിഭ്രാന്തി പരത്തി. ചാലക്കുടി ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയില് മജിസ്ട്രേറ്റിെന്റ ചേംബറിലാണ് പാമ്ബ് പ്രത്യക്ഷപ്പെട്ടത്. തിങ്കളാഴ്ച ഉച്ചയോടെ ചേംബറിലെ ഫയലുകള്ക്കിടയില് കാണപ്പെട്ട വലിയ പാമ്ബ് ജീവനക്കാരെ പരിഭ്രാന്തിയിലാഴ്ത്തി. എന്നാല്, നിമിഷങ്ങള്ക്കുള്ളില് പാമ്ബ് അപ്രത്യക്ഷമായത് കൂടുതല് ഭയപ്പാട് സൃഷ്ടിച്ചു.
പാമ്ബിനെ കണ്ടെത്താതെ ചേംബറില് ഇരിക്കുക സുരക്ഷിതമല്ലെന്ന തോന്നല് ജീവനക്കാരെ അസ്വസ്ഥരാക്കി. വിവരമറിഞ്ഞ് വനം വകുപ്പ് മൊബൈല് സ്ക്വാഡ് സ്ഥലത്തെത്തി. ഫയലുകള്ക്കിടയിലും മുറിയിലും തിരച്ചില് നടത്തി. ഒടുവില് പാമ്ബിനെ പിടികൂടിയപ്പോഴാണ് പരിഭ്രാന്തി അകന്നത്. വലിയൊരു ചേരയായിരുന്നു. വനപാലകര് പാമ്ബിനെ വനത്തില് ഉപേക്ഷിച്ചു.