Thiruvananthapuram
കൂളിംഗ് പേപ്പറും കര്ട്ടനുമിട്ട കാറുകൾ കരിമ്പട്ടിയിലാക്കും ഓപ്പറേഷൻ സ്ക്രീൻ നാളെ മുതൽ
തിരുവനന്തപുരം: നാളെ മുതൽ സംസ്ഥാന വ്യാപകമായി മോട്ടോര് വാഹനവകുപ്പ് പരിശോധന നടത്തും. ഓപ്പറേഷൻ സ്ക്രീൻ എന്ന പേരിലാണ് പരിശോധന. ഹൈക്കോടതി-സുപ്രീംകോടതി വിധികൾ ലംഘിച്ചു കൊണ്ട് കൂളിംഗ് പേപ്പര്, കര്ട്ടൻ എന്നിവ നീക്കം ചെയ്യാത്ത വാഹനങ്ങൾക്കെതിരെ നടപടിയെടുക്കാനാണ് ഓപ്പറേഷൻ സ്ക്രീൻ ആസൂത്രണം ചെയ്തിരിക്കുന്നത്.
ഗ്ലാസിൽ കൂളിംഗ് ഫിലിം ഒട്ടിച്ച കാറുകളും, വിൻഡോയിൽ കര്ട്ടനിട്ട കാറുകൾ എന്നിവക്കെതിരെ നടപടിയുണ്ടാവും. ഈ വാഹനങ്ങളെ കരിമ്പട്ടികയിൽപ്പെടുത്താനാണ് ട്രാൻസ്പോര്ട്ട് കമ്മീഷണര് പുറപ്പെടുവിച്ച ഉത്തരവിൽ പറയുന്നത്. നിയമം ലംഘിച്ച വാഹനങ്ങൾക്ക് ഇ-ചെല്ലാൻ വഴിയാകും പെറ്റി ചുമത്തുക. നിയമലംഘനം നടത്തിയ വാഹനങ്ങൾ കണ്ടെത്താനായി മോട്ടോര് വാഹന വകുപ്പ് സംസ്ഥാന വ്യപകമായി നാളെ മുതൽ പരിശോധന തുടങ്ങണമെന്നും ട്രാൻസ്പോര്ട്ട് കമ്മീഷണറുടെ ഉത്തരവിലുണ്ട്.