28 March 2024 Thursday

കരിപ്പൂര്‍ വിമാനത്താവളത്തില്‍ സി.ബി.ഐ പരിശോധന; കസ്റ്റംസ് ഉദ്യോഗസ്ഥനില്‍ നിന്ന് മൂന്നു ലക്ഷം പിടിച്ചെടുത്തു

ckmnews

കോഴിക്കോട് രാജ്യാന്തര വിമാനത്താവളത്തില്‍ സി.ബി.ഐയുടെയും ഡി.ആര്‍.ഐയുടെയും സംയുക്ത പരിശോധന. കസ്റ്റംസ് ഉദ്യോഗസ്ഥരെയും യാത്രക്കാരെയുമാണ് പത്തംഗ അന്വേഷണ സംഘം പരിശോധിക്കുന്നത്. സ്വര്‍ണക്കടത്ത് കേസുമായി ബന്ധപ്പെട്ടാണ് സി.ബി.ഐ പരിശോധന നടക്കുന്നതെന്നാണ് ലഭിക്കുന്ന വിവരം.

അന്വേഷണ സംഘത്തിന്‍റെ പരിശോധനയില്‍ കസ്റ്റംസ് ഓഫീസറുടെ പക്കല്‍ നിന്ന് മൂന്ന് ലക്ഷം രൂപയോളം പിടിച്ചെടുത്തു. മുറികളിലും അലമാരകളിലും നിന്നുമാണ് പണം കണ്ടെത്തിയത്. കസ്റ്റംസ് പരിശോധനക്ക് ശേഷം പുറത്തുവന്ന യാത്രക്കാരെയും സംഘം വീണ്ടും പരിശോധിക്കുന്നുണ്ട്. യാത്രക്കാരില്‍ നിന്ന് സ്വര്‍ണവും പണവും കണ്ടെത്തിയതായാണ് വിവരം.

കഴിഞ്ഞ ദിവസം ഒന്നേകാല്‍ കോടി രൂപയുടെ സ്വര്‍ണം വിമാനത്താവളം വഴി അനധികൃതമായി കടത്താന്‍ ശ്രമിച്ചിരുന്നു. കൂടാതെ നിരന്തരം സ്വര്‍ണം കടത്താനുള്ള ശ്രമങ്ങളും നടക്കുന്നുണ്ട്. ഈ സാഹചര്യത്തിലാണ് പുലര്‍ച്ചെ അഞ്ചരയോടെ സി.ബി.ഐ സംഘം മിന്നല്‍ പരിശോധന ആരംഭിച്ചത്.