വാട്‌സാപ്പ് ഉപയോക്താക്കൾക്ക് സന്തോഷ വാർത്ത; ആകർഷകമായ വാൾപേപ്പറുകളും അനിമേറ്റഡ് സ്റ്റിക്കറുകളും എത്തി
വാട്‌സാപ്പ് ഉപയോക്താക്കൾക്ക് സന്തോഷ വാർത്ത; ആകർഷകമായ വാൾപേപ്പറുകളും അനിമേറ്റഡ് സ്റ്റിക്കറുകളും എത്തി
അനിമേറ്റഡ് സ്റ്റിക്കര്‍ പാക്ക്
ടുഗെതര്‍ അറ്റ് ഹോം എന്ന സ്റ്റിക്കര്‍ പായ്ക്കിന് പുതിയ അപ്ഡേറ്റിലൂടെ ആനിമേഷന്‍ അവതരിപ്പിച്ചു.വാട്സാപ്പില്‍ ഏറെ ജനപ്രിയമായ സ്റ്റിക്കര്‍ പായ്ക്ക് ആണ് ടുഗെതര്‍ അറ്റ് ഹോം.
ആനിമേറ്റഡ് രൂപത്തില്‍ അതിലൂടെ കൂടുതല്‍ ആവിഷ്‌കാരം സാധ്യമാവും. അറബിക്, ഫ്രഞ്ച്, ജര്‍മന്‍, ഇന്‍ഡൊനീഷ്യന്‍, ഇറ്റാലിയന്‍, പോര്‍ച്ചുഗീസ്, റഷ്യന്‍, സ്പാനിഷ്, തുര്‍ക്കി ഭാഷകളില്‍ ഈ സ്റ്റിക്കറുകള്‍ ലഭ്യമാണ്.
സ്റ്റിക്കര്‍ സെര്‍ച്ച്
നിലവില്‍ ജിഫ് സെര്‍ച്ച് ചെയ്യാനുള്ള സൗകര്യം വാട്സാപ്പിലുണ്ട്. സ്റ്റിക്കറുകള്‍ മുഴുവന്‍ സ്‌ക്രോള്‍ ചെയ്ത് തിരയുന്നതിന് പകരം സ്റ്റിക്കര്‍ പാക്കുകളുടെ പേര് തിരഞ്ഞ് കണ്ടുപിടിക്കാന്‍ ഈ സൗകര്യം സഹായിക്കും.
പുതിയ വാള്‍പേപ്പറുകള്‍
ഒരു കൂട്ടം പുതിയ വാള്‍പ്പേപ്പറുകളാണ് വാട്സാപ്പില്‍ അവതരിപ്പിച്ചത്. ചാറ്റ് വാള്‍പേപ്പറുകള്‍, ഡൂഡിള്‍ വാള്‍പേപ്പറുകള്‍, ലൈറ്റ്/ഡാര്‍ക്ക് വാള്‍പേപ്പറുകള്‍ എന്നിങ്ങനെ വാള്‍പേപ്പറുകള്‍ ലഭ്യമാണ്. ഓരൊ വ്യക്തികൾക്കും ഗ്രൂപ്പുകൾക്കും പ്രത്യേകം പ്രത്യേകം വോൾപേപ്പർ ഉപയോഗിക്കുകയും കളർ അഡ്ജസ്റ്റ് ചെയ്യുകയും ചെയ്യാം ,ഇത് കൂടാതെ ആകര്‍ഷകമായ വിവിധ ചിത്രങ്ങളും പുതിയ വാള്‍ പേപ്പര്‍ ലിസ്റ്റില്‍ ഉണ്ട്. വാള്‍പേപ്പറുകള്‍ ഇഷ്ടാനുസൃതം മാറ്റാവുന്നതാണ്.
