മൂന്ന് മാസത്തിനിടെ കണ്ടെത്തിയത് 76 കുട്ടികളെ; പോലീസ് ഉദ്യോഗസ്ഥയ്ക്ക് സ്ഥാനക്കയറ്റം
മൂന്ന് മാസത്തിനുള്ളില്‍ കാണാതായ 76 കുട്ടികളെ കണ്ടെത്തിയ ഡല്‍ഹി പോലീസിലെ ഉദ്യോഗസ്ഥയ്ക്ക് അഭിനന്ദനത്തോടൊപ്പം സ്ഥാനകയറ്റവും. സീമ ധാക്ക എന്നാണ് ഈ പോലീസ് ഉദ്യോഗസ്ഥയുടെ പേര്. ഡല്‍ഹിയിലെ സമയ്പുര്‍ ബഡ്ലി പൊലീസ് സ്റ്റേഷനിലെ ഹെഡ് കോണ്‍സ്റ്റബ്ള്‍ ആണ് സീമ.
ഡല്‍ഹിയില്‍ നിന്നും കാണാതായ കുട്ടികളെ കണ്ടെത്തുന്നതിനായി ഓഗസ്റ്റ് അഞ്ചിന് ആരംഭിച്ച പദ്ധതിയാണിത്. കണ്ടെത്തിയ 56 കുട്ടികള്‍ 14 വയസില്‍ താഴെയുള്ളവരാണ്. ഡല്‍ഹി കൂടാതെ പഞ്ചാബ്, പശ്ചിമബംഗാള്‍, ഉത്തര്‍പ്രദേശ് എന്നീ സംസ്ഥാനങ്ങളില്‍ നിന്നാണ് കുട്ടികളെ കണ്ടെത്തിയത്. ഔട്ട് ഓഫ് ടേണ്‍ പ്രമോഷന് വഴി അസിസ്റ്റന്‍റ് സബ് ഇന്‍സ്‌പെക്ടര്‍ തസ്തികയാണ് സീമയ്ക്ക് നല്‍കിയത്. ഡല്‍ഹി പോലീസിലെ കോണ്‍സ്റ്റബിള്‍, ഹെഡ്‌കോണ്‍സ്റ്റബിള്‍ ഉദ്യോഗസ്ഥര്‍ 12 മാസത്തിനുള്ളില്‍ 50 അല്ലങ്കില്‍ അതിനു മുകളില്‍ കാണാതായ കുട്ടികളെ കണ്ടെത്തിയാല്‍ ഔട്ട് ഓഫ് ടേണ്‍ പ്രമോഷന് അര്‍ഹരാണ്.
