ആലപ്പുഴയില് വന് കഞ്ചാവ് വേട്ട; മൂന്നുപേര് പിടിയില്
ബംഗളൂരുവില്നിന്ന് ചെങ്ങന്നൂരിലേക്ക് കാറില് കടത്തിയ 25 കിലോ കഞ്ചാവുമായി മൂന്ന് യുവാക്കള് പിടിയില്. ചെങ്ങന്നൂര് മുളക്കുഴ കാരക്കാട്ട് ഉല്ലാസ് ഭവനത്തില് അനന്തു (24), തിട്ടമേല് അര്ച്ചന ഭവനില് കെ.പി. അരുണ് (24), മുളക്കുഴ കുന്നത്ത് പുരയിടം രാഹുല് (കണ്ണന് -27) എന്നിവരാണ് പിടിയിലായത്.
ആലപ്പുഴ നോര്ത്ത് സി.ഐ കെ.പി. വിനോദ് കുമാറിന് ലഭിച്ച രഹസ്യവിവരത്തിെന്റ അടിസ്ഥാനത്തില് തിങ്കളാഴ്ച പാതിരപ്പള്ളി ഭാഗത്ത് നടത്തിയ വാഹന പരിശോധനയിലാണ് കഞ്ചാവ് പിടികൂടിയത്.
പത്തനംതിട്ട രജിസ്ട്രേഷനുള്ള ഇന്നോവ കാറിെന്റ ഡിക്കിയില് ബാഗില് ഒളിപ്പിച്ച 2.250 കിലോവീതമുള്ള 11 വലിയ പൊതികളും പിടിച്ചെടുത്തു. വിപണിയില് അഞ്ചുലക്ഷം രൂപയോളം വിലവരുമെന്ന് പൊലീസ് പറഞ്ഞു.
ആലപ്പുഴ നോര്ത്ത് എസ്.ഐ ടോള്സണ് പി. ജോസഫ്, സി.പി.ഒമാരായ എന്.എസ്. വിഷ്ണു, ഷൈജു, ജഗദീഷ്, സാഗര്, ജോസഫ് ജോയി, ബിനോജ്, ശ്യാം, സുജിത് എന്നിവര് പരിശോധനക്ക് നേതൃത്വം നല്കി.