Kozhikode
മലബാര് മെഡിക്കല് കോളേജില് കോവിഡ് രോഗിയെ പീഡിപ്പിക്കാന് ശ്രമിച്ച സംഭവം; ആശുപത്രി ജീവനക്കാരനെ സസ്പെന്ഡ് ചെയ്തു
കോഴിക്കോട്: മലബാര് മെഡിക്കല് കോളജ് ആശുപത്രിയില് കോവിഡ് രോഗിയെ പീഡിപ്പിക്കാന് ശ്രമിച്ച സംഭവത്തില് ആശുപത്രി ജീവനക്കാരനെ ജോലിയില് നിന്നും സസ്പെന്ഡ് ചെയ്തു. രോഗിയുടെ പരാതിയില് നടപടി സ്വീകരിക്കാന് വൈകിയത് അന്വേഷിക്കുമെന്നും എംഎംസി ആശുപത്രി മാനേജ്മെന്റ് വ്യക്തമാക്കി. ഞായറാഴ്ച രാത്രി പതിനൊന്നരയ്ക്കാണ് കേസിനാസ്പദമായ സംഭവം. ഡോക്ടറെ കാണാനെന്ന് പറഞ്ഞ് യുവതിയെ ആളൊഴിഞ്ഞ സ്ഥലത്തേക്ക് കൊണ്ടുപോയി പീഡിപ്പിക്കാന് ശ്രമിക്കുകയായിരുന്നു. യുവതിയുടെ മൊഴി പോലീസ് ഇന്ന് രേഖപ്പെടുത്തും.