വെളിയങ്കോട് ഗ്രാമ പഞ്ചായത്ത് മാലിന്യ മുക്തം നവകേരളം ജനകീയ ക്യാമ്പിന് തുടക്കമായി
എരമംഗലം:വെളിയങ്കോട് ഗ്രാമ പഞ്ചായത്തിന്റെ ഹരിത കർമ്മ സേന പ്രവർത്തനങ്ങളുടെ അവലോകനവും ,മാലിന്യ മുക്തം നവകേരളം പദ്ധതിയുടെ ഭാഗമായുള്ള ജനകീയ ക്യാമ്പയിനും നടന്നു.പദ്ധതി പ്രവർത്തനങ്ങൾ വിലയിരുത്തുന്നതിനും , ഭാവി പ്രവർത്തനങ്ങൾ ചർച്ച ചെയ്യുന്നതിനുമായി , ഗ്രാമ പഞ്ചായത്ത് ഹാളിൽ നടന്ന യോഗം ഗ്രാമ പഞ്ചായത്ത് പ്രസിഡന്റ് കല്ലാട്ടേൽ ഷംസു ഉദ്ഘാടനം ചെയ്തു.ഗ്രാമ പഞ്ചായത്ത് സെക്രട്ടറി ടി. കവിത സ്വാഗതം പറഞ്ഞ ചടങ്ങിൽ വികസന സ്റ്റാന്റിംഗ് കമ്മിറ്റി ചെയർമാൻ മജീദ് പാടിയോടത്ത് അധ്യക്ഷത വഹിച്ചു .ഐആർടിസി റീജീയണൽ കോ- ഓർഡിനേറ്റർ ജയ് സോമനാഥൻ പദ്ധതികൾ വിശദീകരിച്ചു.സ്റ്റാൻ്റിംഗ് കമ്മിറ്റി ചെയർപേഴ്സൺ റംസി റമീസ് ,വാർഡ് മെമ്പർമാരായ റസ്ലത്ത് സെക്കീർ,ഷരീഫ മുഹമ്മദ് , ഷീജ സുരേഷ് , റമീന ഇസ്മയിൽ , ജൂനിയർ സൂപ്രണ്ട് അരുൺ ലാൽ , വി.ഇ. ഒ . ജയേഷ് ,ഐആർടിസി പഞ്ചായത്ത് അസിസ്റ്റൻ്റ് കോ - ഓർഡിനേറ്റർ എ . ടി. ഫാത്തിമ , ഹരിത കർമ്മ സേന പ്രസിഡൻ്റ് കെ.വി. ഫാത്തിമ , സെക്രട്ടറി ജയഭാരതി തുടങ്ങിയവർ സംസാരിച്ചു.വെളിയങ്കോട് ഗ്രാമ പഞ്ചായത്തിനെ മാലിന്യ മുക്തമാക്കുന്നതിൻ്റെ ഭാഗമായി വാർഡുകളിൽ നടത്തപ്പെടുന്ന അജൈവ മാലിന്യ ശേഖരണത്തിൽ പെരുമ്പടപ്പ് ബ്ലോക്ക് പഞ്ചായത്തിൽ തന്നെ ആദ്യമായി 100 % യൂസേഴ്ഫീ കൈവരിച്ച വെളിയങ്കോട് ഗ്രാമ പഞ്ചായത്തിലെ 4 , 9 എന്നീ വാർഡുകളിലെ മെമ്പർമാരേയും , ഹരിത കർമ്മ സേന അംഗങ്ങളേയും യോഗം അഭിനന്ദിച്ചു . മറ്റ് വാർഡുകളിൾ പ്രവർത്തനങ്ങൾ സമയബന്ധിതമായി തന്നെ നൂറ് ശതമാനം പൂർത്തീകരിക്കുന്നതിനും യോഗം തീരുമാനിച്ചു.പ്ലാസ്റ്റിക്ക് നിരോധനം , മാലിന്യ സംസ്കരണ ശുചീകരണ പ്രവർത്തനം എന്നിവ സംബന്ധിച്ച അറിയിപ്പ് ഗ്രാമ പഞ്ചായത്ത് പ്രസിഡൻ്റിൻ്റെ നേത്യത്വത്തിൽ കച്ചവട സ്ഥാപനങ്ങളിൽ വിതരണം നടത്തി . തുടർന്ന് പഞ്ചായത്തിലെ മുഴുവൻ വീടുകളിലും , ജനപ്രതിനിധികൾ , ഹരിത കർമ്മ സേന പ്രവർത്തകർ തുടങ്ങിയവരുടെ നേത്യത്വത്തിൽ അറിയിപ്പ് നല്കുന്നതിനും തീരുമാനിച്ചു .