നിർമ്മാല്യത്തിന്റെ 50 വർഷങ്ങൾ:സംഘാടകസമിതി രൂപീകരിച്ചു
ചങ്ങരംകുളം കാണി ഫിലിം സൊസൈറ്റിയുടെ ആഭിമുഖ്യത്തിൽ 'നിർമ്മാല്യം' സിനിമയുടെ അമ്പതാം വാർഷികത്തോടനുബന്ധിച്ച് സംഘടിപ്പിക്കുന്ന വിവിധ പരിപാടികൾക്കായി സംഘാടക സമിതി രൂപീകരിച്ചു.ഭാരവാഹികൾ: പി.നന്ദകുമാർ,എം.എൽ.എ (രക്ഷാധികാരി), ആലങ്കോട് ലീലാകൃഷ്ണൻ(ചെയർമാൻ), എം.നാരായണൻ നമ്പൂതിരി,അജിത് മായനാട്ട്(വൈസ് ചെയർമാൻ)ജബ്ബാർ ആലങ്കോട് (കൺവീനർ),സി.എം രാമചന്ദ്രൻ,അടാട്ട് വാസുദേവൻ,കെ.പി.തുളസി(ജോ.കൺവീനർ).ബ്ലോക്ക് പഞ്ചായത്ത് അംഗം വി.വി.കരുണാകരൻ യോഗത്തിന്റെ ഉദ്ഘാടനവും മോഹൻ ആലങ്കോട് തയ്യാറാക്കിയ പരിപാടിയുടെ ലോഗോയുടെ പ്രകാശനവും നിർവ്വഹിച്ചു.എം.നാരായണൻ നമ്പൂതിരി അദ്ധ്യക്ഷത വഹിച്ചു.ജബ്ബാർ ആലങ്കോട് സ്വാഗതവും ശങ്കരനാരായണൻ പന്താവൂർ നന്ദിയും പറഞ്ഞു.പരിപാടികളുടെ ആരംഭം കുറിച്ചുകൊണ്ട് മെയ് 21 വൈകുന്നേരം 5.00 മണിക്ക് ' കാണി സിനിമ'യിൽ വെച്ച് "നിർമ്മാല്യത്തിന്റെ വെളിച്ചങ്ങൾ"എന്ന വിഷയത്തിൽ ആലങ്കോട് ലീലാകൃഷ്ണൻ പ്രഭാഷണം നടത്തും
