29 March 2024 Friday

പ്രായപൂർത്തിയാകാത്ത കുട്ടിയെ പ്രകൃതിവിരുദ്ധ പീഡനത്തിന് ഇരയാക്കി; ഹോസ്റ്റൽ വാർഡനായ മധ്യവയസ്കൻ അറസ്റ്റിൽ

ckmnews



ഇടുക്കി : ഇടുക്കിയിൽ പ്രായപൂർത്തിയാകാത്ത കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ മധ്യവയസ്കൻ അറസ്റ്റിൽ. കല്ലാർകുട്ടി സ്വദേശി കവലച്ചാത്തൻപാറയിൽ രാജൻ ആണ് അറസ്റ്റിലായത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.


കഴിഞ്ഞ സെപ്റ്റംബറിലാണ് കേസിന് ആസ്പദമായ സംഭവം. ഹോസ്റ്റൽ വാർഡനാണ് രാജൻ. ഇയാൾ ജോലിചെയ്യുന്ന ഹോസ്റ്റലിന്റെ സമീപപ്രദേശം വൃത്തിയാക്കുന്നതിന് വേണ്ടി 14 വയസ്സുകാരനെ വിളിച്ചുവരുത്തി. ഒപ്പം മറ്റ് ആളുകളും ഉണ്ടായിരുന്നു. 14 വയസ്സുകാരനൊപ്പം വന്ന ആളുകളെ പറഞ്ഞുവിട്ട ശേഷം പ്രതി കുട്ടിയെ തൊട്ടടുത്തുള്ള കുറ്റിക്കാട്ടിലേക്ക് കൊണ്ടുപോയി. അവിടെവച്ച് പ്രകൃതിവിരുദ്ധ പീഡനത്തിന് ഇരയാക്കുകയായിരുന്നു എന്നാണ് പോലീസ് പറയുന്നത്.