Thrissur
ഇന്നസെന്‍റിനെ അനശ്വരനാക്കിയ 30 കഥാപാത്രങ്ങൾ ഇനി കല്ലറയിൽ
സാംസ്കാരിക കേരളം ഒരേ മനസോടെ ആദരമർപ്പിച്ച വേർപാട് ആയിരുന്നു നടനും മുൻ എംപിയുമായ ഇന്നസെൻറിന്റേത്. 26 ന് രാത്രി 10.30 നായിരുന്നു അദ്ദേഹത്തിൻറെ വിയോഗം. അദ്ദേഹത്തിൻറെ ഓർമ്മ ദിനമായിരുന്നു ഇന്ന്. ഇരിങ്ങാലക്കുട സെൻറ് തോമസ് കത്തീഡ്രലിലെ കല്ലറയിൽ ഇന്ന് എത്തിയവരുടെ മുന്നിൽ തെളിഞ്ഞത് സിനിമാപ്രേമികളുടെ മനസ്സിൽ അദ്ദേഹത്തെ അനശ്വരനാക്കിയ മുപ്പതോളം കഥാപാത്രങ്ങളാണ്. മാന്നാർ മത്തായിയും യശ്വന്ത് സഹായിയും (സന്ദേശം) ഉണ്ണിത്താനുമടക്കം (മണിച്ചിത്രത്താഴ്) ഇക്കൂട്ടത്തിലുണ്ട്.
ഇന്നസെൻറിൻറെ ചെറുമക്കളായ ഇന്നസെൻറ് ജൂനിയറും അന്നയുമാണ് അപ്പച്ചൻറെ കഥാപാത്രങ്ങളെ കല്ലറയിൽ കൊത്തിവെക്കാമെന്ന ആശയത്തിന് പിന്നിൽ. രാധാകൃഷ്ണൻ എന്നയാളാണ് ഇത് യാഥാർഥ്യമാക്കിയത്. കഴിഞ്ഞ രണ്ട് ദിവസവും രാത്രിയും പണിയെടുത്താണ് ആലേഖനം പൂർത്തിയാക്കിയത്.
