29 March 2024 Friday

വെളിയങ്കോട് ഗ്രാമ പഞ്ചായത്ത് 25 - 74 കോടിയുടെ ബജറ്റ് അവതരിപ്പിച്ചു

ckmnews

എരമംഗലം:വെളിയങ്കോട് ഗ്രാമ പഞ്ചായത്തിൻ്റെ  2023 - 2024  വാർഷിക ബജറ്റ്  ഗ്രാമ പഞ്ചായത്ത് വൈസ്  പ്രസിഡന്റും ധനകാര്യ  സ്ഥിരം സമിതി  അധ്യക്ഷയുമായ  ഫൗസിയ വടക്കേപ്പുറത്ത്  അവതരിപ്പിച്ചു. ഗ്രാമ പഞ്ചായത്ത്  പ്രസിഡന്റ്  കല്ലാട്ടേൽ  ഷംസു  അധ്യക്ഷത വഹിച്ചു.257478724 കോടി  രൂപ വരവും ,  253284460  രൂപ

ചെലവും  , നീക്കിയിരിപ്പായി   4194264 രൂപയും  പ്രതീക്ഷിക്കുന്ന ബജറ്റ്  ആണ്  ഗ്രാമ പഞ്ചായത്ത്  വൈസ്  പ്രസിഡന്റ്  അവതരിപ്പിച്ചത്.ഗ്രാമ പഞ്ചായത്തിൻ്റെ സമഗ്ര വികസനം  ലക്ഷ്യമാക്കി  തയ്യാറാക്കിയ  ബജറ്റിൽ  ഭവന - ആരോഗ്യ - ശുചിത്വ മേഖലകൾക്ക്  ഊന്നൽ നല്കിയും ഉത്പാദന -  സേവന -  കുടിവെള്ള -  മേഖലക്ക്  പ്രാധാന്യം നല്കിയും  പശ്ചാത്തലം  , തെരുവ് വിളക്ക് , വിദ്യാഭ്യാസ , വനിത , ശിശു , ഭിന്നശേഷി , അതിദാരിദ്ര്യ നിർമ്മാർജ്ജന , പ്രദേശിക ടൂറിസം , ദുരന്ത നിവാരണം  തുടങ്ങി  മറ്റു  പദ്ധതികൾക്ക്  പരിഗണന നല്കുകയും  ചെയ്യുന്ന രീതിയിലാണ്  ബജറ്റിന്    രൂപം നല്കിയിട്ടുള്ളത്


ഭവന - ആരോഗ്യ - ശുചിത്വ മേഖലയ്ക്ക്  65535000 രൂപയും  ,  ഉത്പാദന  മേഖലക്ക്   11202000 രൂപയും , സേവന  മേഖലക്കായി  113223160 രൂപയും ,  പശ്ചാത്തല മേഖല - തെരുവ് വിളക്ക്  പ്രാദേശിക ടൂറിസം എന്നിവക്കായി   12116000 രൂപയും  ,  വിദ്യാഭ്യാസ കായിക - യുവജന ക്ഷേമ ത്തിനായി    2500000 രൂപയും , വ്യദ്ധർ - ശാരീരിക - മാനസിക  വെല്ലുവിളികൾ നേരിടുന്നവർ  , അഗതികൾ  ഉൾപ്പെടെ വിവിധ  ദാരിദ്ര ലഘൂകരണ  പദ്ധതികൾക്കായി 

26693160  രൂപയും വനിത - ശിശുക്ഷേമം  , മറ്റ്  സാമൂഹ്യ സുരക്ഷിതത്വ പരിപാടികൾക്കായി  1700000  രൂപയും , പട്ടിക ജാതി വികസനത്തിന്  2000000  രൂപയും ,മത്സ്യ മേഖലക്ക്  2500000 രൂപയും  വകയിരുത്തിയ ബജറ്റാണ് അവതരിപ്പിച്ചത്.പഞ്ചായത്ത് കോൺഫറൻസ്  ഹാളിൽ ചേർന്ന യോഗത്തിൽ 

സ്റ്റാൻ്റിംഗ് കമ്മിറ്റി  ചെയർമാന്മാരായ മജീദ് പാടിയോടത്ത് , സെയ്ത് പുഴക്കര  , റംസി റമീസ് ,പഞ്ചായത്തംഗങ്ങളായ   ഹുസ്സൈൻ  പാടത്ത കായിൽ , ഷരീഫ മുഹമ്മദ് തുടങ്ങിയവർ ബജറ്റ് ചർച്ചയിൽ പങ്കെടുത്ത് സംസാരിച്ചു.ഗ്രാമ പഞ്ചായത്ത്   സെക്രട്ടറി  വി . എ .  ഉണ്ണികൃഷ്ണൻ സ്വാഗതവും , അസിസ്റ്റന്റ് സെക്രട്ടറി ടി. കവിത നന്ദിയും  പറഞ്ഞു .