വിനോദയാത്രാ സംഘത്തിന്റെ ബസ് കൊക്കയിലേക്ക് മറിഞ്ഞ് വിദ്യാർഥി മരിച്ചു:നാൽപതോളം പേർക്ക് പരുക്ക് അപകടത്തിൽ പെട്ടത് വളാഞ്ചേരിയിൽ പുറപ്പെട്ട ബസ്സ്
വിനോദയാത്രാ സംഘത്തിന്റെ ബസ് കൊക്കയിലേക്ക് മറിഞ്ഞ് വിദ്യാർഥി മരിച്ചു:നാൽപതോളം പേർക്ക് പരുക്ക്
അപകടത്തിൽ പെട്ടത് വളാഞ്ചേരിയിൽ പുറപ്പെട്ട ബസ്സ്
അടിമാലി∙ ഇടുക്കി മുനിയറയിൽ വിനോദയാത്രാ സംഘത്തിന്റെ ബസ് കൊക്കയിലേക്ക് മറിഞ്ഞ് വിദ്യാർഥി മരിച്ചു.നാൽപതോളം വിദ്യാർഥികൾക്ക് പരുക്കേറ്റു. വളാഞ്ചേരി റീജനൽ കോളജിലെ വിദ്യാർഥികൾ സഞ്ചരിച്ച ടൂറിസ്റ്റ് ബസാണ് അപകടത്തിൽപെട്ടത്.മലപ്പുറം സ്വദേശി മിൽഹാജ് ആണ് മരിച്ചത്.വിദ്യാർഥിസംഘം യാത്ര കഴിഞ്ഞ് നാട്ടിലേക്ക് മടങ്ങുന്നതിനിടെ ഇന്നു പുലർച്ചെ 1.15നാണ് അപകടമുണ്ടായത്.തിങ്കൾക്കാടിന് സമീപം കുത്തനെയുള്ള ഇറക്കത്തിൽ നിയന്ത്രണം വിട്ട ബസ് 70 അടിയോളം താഴ്ചയിലേക്ക് മറിയുകയായിരുന്നു.ബസ്സിനടിയിൽ കുരുങ്ങിയ നിലയിലായിരുന്നു മിൽഹാജിന്റെ മൃതദേഹം. നാട്ടുകാർ നടത്തിയ തിരച്ചിലിലാണ് മൃതദേഹം കണ്ടെത്തിയത്. പരുക്കേറ്റവരെ അടിമാലി താലൂക്ക് ആശുപത്രിയിൽ പ്രവേശിപ്പിച്ചു.
