World
ലോകകപ്പ് ജേതാവായി കളിക്കണം; ഉടൻ വിരമിക്കില്ലെന്ന് ഏഞ്ചൽ ഡി മരിയ
ഫുട്ബോളിൽ നിന്ന് ഉടൻ വിരമിക്കില്ലെന്ന് അർജൻ്റീന താരം ഏഞ്ചൽ ഡി മരിയ. ലോകകപ്പിനു പിന്നാലെ ദേശീയ ജഴ്സിയിൽ നിന്ന് രാജിവെക്കുമെന്നാണ് 34കാരനായ ഡി മരിയ സൂചന നൽകിയിരുന്നത്. എന്നാൽ, ഈ തീരുമാനം തിരുത്തുകയാണെന്നും ഉടൻ വിരമിക്കില്ലെന്നും അദ്ദേഹം പറഞ്ഞതായി ടിവൈസി സ്പോർട്സ് റിപ്പോർട്ട് ചെയ്തു. 2024 കോപ്പ അമേരിക്ക വരെ താരം തുടർന്നേക്കുമെന്നാണ് സൂചന. സൂപ്പർ താരം ലയണൽ മെസിയും ഇതേ നിലപാട് സ്വീകരിച്ചിരുന്നു. ലോകകപ്പിനു പിന്നാലെ വിരമിക്കുമെന്ന് കരുതപ്പെട്ടിരുന്നെങ്കിലും ഉടൻ വിരമിക്കില്ലെന്ന് മെസി അറിയിച്ചു.