റദ്ദായ ലൈസൻസ് തിരിച്ചുകിട്ടാൻ ഇനി പാടുപെടും, വ്ളോഗര്മാരും കുടുങ്ങും;
സംസ്ഥാനത്ത് റോഡ് നിയമങ്ങൾ ലംഘിച്ചുകൊണ്ടും അപകടകരമായ രീതിയിലും അമിതവേഗതയിലുമൊക്കെ വാഹനങ്ങള് ഓടിക്കുന്നവർക്കെതിരെ എട്ടിന്റെ പണിയുമായി മോട്ടോർ വാഹന വകുപ്പ്. പിടികൂടി പിഴയിട്ടും താക്കീതും നൽകി വിടുകയും ഹ്രസ്വകാലത്തേക്ക് ലൈസൻസ് റദ്ദാക്കുകയും ചെയ്യുന്നതിന് പകരം കുറ്റം ചെയ്തവർക്കെതിരെ കടുത്ത നടപടിയാണ് മോട്ടോർ വാഹനവകുപ്പ് നടപ്പിലാക്കാൻ ഒരുങ്ങുന്നത് എന്നാണ് റിപ്പോര്ട്ടുകള്. വടക്കഞ്ചേരി അപകടത്തിന്റെ പശ്ചാത്തലത്തിൽ ടൂറിസ്റ്റ് ബസുകളുടെ നിയമലംഘനങ്ങൾ തടയാൻ തുടങ്ങിയ പരിശോധനകൾ സംസ്ഥാനത്തെ നിരത്തുകളിലോടുന്ന മറ്റ് വാഹനങ്ങളിലേക്കും കൂടി വ്യാപിപ്പിക്കാനാണ് തീരുമാനം. ഇതുസംബന്ധിച്ച രൂപരേഖയും മോട്ടോർ വാഹനവകുപ്പ് തയാറാക്കുന്നുണ്ട് എന്നാണ് റിപ്പോര്ട്ടുകള്.