National
പാര്ലമെന്ററി സമിതികളുടെ തലപ്പത്ത് പ്രതിപക്ഷത്തെ വെട്ടിനിരത്തി കേന്ദ്രം; കോണ്ഗ്രസിനും ടിഎംസിക്കും സ്ഥാനനഷ്ടം
പ്രധാന പാര്ലമെന്ററി സമിതികളിലെ അധ്യക്ഷ സ്ഥാനങ്ങളില് നിന്ന് പ്രതിപക്ഷ അംഗങ്ങളെ ഒഴിവാക്കി കേന്ദ്രം. കോണ്ഗ്രസിന് രണ്ട് അധ്യക്ഷ പദവികള് നഷ്ടപ്പെട്ടു. ഐടി സ്റ്റാന്റിങ് കമ്മിറ്റി അധ്യക്ഷനായിരുന്ന ശശി തരൂരിന് പകരം ശിവസേനാ എം പി പ്രതാപ് റാവു ജാദവിനെ നിയമിച്ചു. ആഭ്യന്തര മന്ത്രാലയത്തിന്റെ സ്റ്റാന്റിങ് കമ്മിറ്റി അധ്യക്ഷ സ്ഥാനം കോണ്ഗ്രസ് നേതാവ് മനു അഭിഷേക് സിഗ്വിക്ക് നഷ്ടമായി.
തൃണമൂല് കോണ്ഗ്രസിന്റെ പാര്ലമെന്ററി സമിതി അധ്യക്ഷ സ്ഥാനവും നഷ്ടമായി. തൃണമൂല് കോണ്ഗ്രസിന് 23 അംഗങ്ങള് ലോക്സഭയില് ഉണ്ടെങ്കിലും ഒരു സമിതിയുടെ അധ്യക്ഷ സ്ഥാനം പോലും നല്കിയിട്ടില്ല.