Kozhikode
ഉത്തരക്കടലാസില് ബാര്കോഡിങ് വരുന്നു, കാലിക്കറ്റ് സർവ്വകലാശാല ഫലപ്രഖ്യാപനം വേഗത്തിലാകും
കോഴിക്കോട്: ഉത്തരക്കടലാസുകളില് ബാര്കോഡിങ് ഏര്പ്പെടുത്തി മൂല്യനിര്ണയ ജോലികള് വേഗത്തിലാക്കാന് ഒരുങ്ങി കാലിക്കറ്റ് സര്വകലാശാല. ആദ്യഘട്ടത്തില് അടുത്ത മാസം നടക്കുന്ന ബി എഡ് രണ്ടാം സെമസ്റ്റര് പരീക്ഷക്കുള്ള ഉത്തരക്കടലാസിലാണ് ബാര്കോഡ് നടപ്പാക്കുക. ഇതോടെ ഉത്തരക്കടലാസുകള് പരീക്ഷാഭവനിലെത്തിച്ച് ഫാള്സ് നമ്പറിടേണ്ട ജോലി ഒഴിവാകും. പരീക്ഷാ കേന്ദ്രത്തില് നിന്ന് നേരിട്ട് മൂല്യനിര്ണയ ക്യാമ്പുകളിലേക്ക് തപാല് വകുപ്പ് മുഖേനയാകും ഉത്തരക്കടലാസുകള് കൊണ്ടുപോവുക. മൂല്യനിര്ണയ ക്യാമ്പില് മേല്നോട്ടത്തിന് പരീക്ഷാഭവന് ഉദ്യോഗസ്ഥരുണ്ടാകും.