കെ എസ് ആര് ടി സി;'എല്ലാ മാസവും സമരം ചെയ്യുന്നതും കേസുമായി പോകുന്നതും ശരിയല്ല , ചര്ച്ച തുടരും' ആന്റണി രാജു
തിരുവനന്തപുരം:കെ എസ് ആര് ടിസിയിലെ പ്രശ്നങ്ങള് പരിഹരിക്കുന്നതിന് തൊഴില്, ഗതാഗത മന്ത്രിമാരുടെ സാന്നിദ്ധ്യത്തില് തൊഴിലാളി യൂണിയനുകളുമായി തുടര്ച്ചയായി രണ്ടാം ദീവസവും ചര്ച്ച നടത്തിയെങ്കിലും ധാരണയായില്ല. 12 മണിക്കൂര് സിംഗിള് ഡ്യൂട്ടിയെച്ചൊല്ലിയാണ് പ്രധാനമായും തര്ക്കം നിലനില്ക്കുന്നത്.നിലവിലെ നിയമം അനുസരിച്ച് നടപ്പിലാക്കുന്നതിൽ നിയമ സെക്രട്ടറിയുടെ നിയമോപദേശം തേടിയെന്ന് മന്ത്രിമാര് അറിയിച്ചു. .12 മണിക്കൂർ കണ്ടക്ടറും ഡ്രൈവറും ലഭ്യമായിരിക്കണം.സ്റ്റിയറിംഗ് ഡ്യൂട്ടി ഏഴര മണിക്കൂർ മാത്രമായിരിക്കും. 60 വർഷം മുൻപത്തെ നിയമം വെച്ച് സിംഗിൾ ഡ്യൂട്ടി സമ്പ്രദായം നടപ്പാക്കാൻ സമ്മതിക്കില്ലെന്ന് യൂണിയനുകൾ അറിയിച്ചു. 8 മണിക്കൂർ കഴിഞ്ഞു ബാക്കി സമം ഓവർടൈമായി കണക്കാക്കി വേതനം നൽകണമെന്ന നിർദേശത്തിലും തീരുമാനമായില്ല.അഞ്ചാം തീയതിക്കകം ശമ്പളം നൽകുന്ന കാര്യം മുഖ്യന്ത്രിയുമായി ആലോചിച്ച ശേഷം തീരുമാനിക്കും.