കഴക്കൂട്ടത്ത് അപകടം, പൊലീസ് ജീപ്പ് മറിഞ്ഞ് മൂന്ന് പേര്‍ക്ക് പരിക്ക്
തിരുവനന്തപുരം: കഴക്കൂട്ടം കുളത്തൂർ ദേശീയപാതയിൽ പൊലീസ് ജീപ്പ് തലകീഴായി മറിഞ്ഞു. മൂന്നു പൊലീസുകാർക്ക് പരിക്ക് പറ്റി. പരിക്കേറ്റ പൊലീസുകാരെ കഴക്കൂട്ടത്തെ സ്വകാര്യ ആശുപത്രി പ്രവേശിപ്പിച്ചു
നാലു പേർ പൊലീസ് ജീപ്പിൽ ഉണ്ടായിരുന്നു. ഡിവൈഡറിൽ ഇടിച്ചു മറുവശത്തേക്ക് മറിയുകയായിരുന്നു. ആരുടെയും പരിക്ക് ഗുരുതരമല്ല.
കാസർകോട് നീലേശ്വരം ദേശീയ പാതയിൽ കരുവാച്ചേരി വളവിൽ ടാങ്കർ ലോറി മറിഞ്ഞ് അപകടമുണ്ടായി. ഹൈഡ്രോക്ലോറിക് ആസിഡ് ടാങ്കർ ലോറിയാണ് മറിഞ്ഞത്. ആർക്കും പരിക്കില്ല. ഇന്ന് രാവിലെ പത്തോടെ ആയിരുന്നു അപകടം.
ആസിഡ് ചോർച്ച തടയാനുള്ള അഗ്നിരക്ഷാ സേനയുടേയും പൊലീസിന്റേയും ശ്രമങ്ങൾ പുരോഗമിക്കുന്നു. ജെസിബി ഉപയോഗിച്ച് ചോർച്ചയുള്ള ഭാഗം മണ്ണിട്ട് മൂടിയിട്ടുണ്ട്. കാർവാറിൽ നിന്ന് കൊച്ചിയിലേക്ക് പോവുകയായിരുന്ന ടാങ്കറാണ് അപകടത്തിൽ പെട്ടത്. ഇതുവഴിയുള്ള ഗതാഗതം സാധാരണ നിലയിലാണ്.
