ഒരു കോവിഡ് മരണം കൂടി; മഞ്ചേരി മെഡിക്കല് കോളേജില് ചികിത്സയിലായിരുന്ന തേഞ്ഞിപ്പലം സ്വദേശി മരിച്ചു.
മഞ്ചേരി: സംസ്ഥാനത്ത് ഒരു കോവിഡ് മരണം കൂടി റിപ്പോര്ട്ട് ചെയ്തു. തേഞ്ഞിപ്പലം പള്ളിക്കല് സ്വദേശി കൊടിയപറമ്പ് ചേര്ങ്ങോടന് കുട്ടിഹസന്(67)ആണ് മരിച്ചത്. മഞ്ചേരി മെഡിക്കല് കോളേജില് ചികിത്സയിലായിരുന്നു. കടുത്ത പനിയും ശാരീരിക അസ്വസ്ഥകളും ആരംഭിച്ചതിനെ തുടര്ന്ന് 24നാണ് ഇദ്ദേഹത്തെ കോഴിക്കോട് സ്വകാര്യ ആശുപത്രിയില് പ്രവേശിപ്പിച്ചത്. കൊണ്ടോട്ടി മാര്ക്കറ്റില് മത്സ്യ ഏജന്റായി പ്രവര്ത്തിക്കുന്ന ഇദ്ദേഹത്തിന്റെ മകന് കോവിഡ് സ്ഥിരീകരിച്ചിരുന്നു. തുടര്ന്ന് നടത്തിയ പരിശോധനയില് ഹസനും കോവിഡ് സ്ഥിരീകരിച്ചു. 25നാണ് മഞ്ചേരി മെഡിക്കല് കോളേജിലെ കോവിഡ് ഐസിയുവില് പ്രവേശിപ്പിച്ചത്. ബുധനാഴ്ച രാവിലെ 9.40ഓടെയാണ് മരണം സ്ഥിരീകരിച്ചത്. കുട്ടിഹസന് പ്രമേഹം, രക്തസമ്മര്ദം, ഹൃദ്രോഗ പ്രശ്നങ്ങള് എന്നിവയും ഉണ്ടായിരുന്നുവെന്ന് മെഡിക്കല് കോളേജ് അധികൃതര് വ്യക്തമാക്കി.