Thrissur
ഗജരാജൻ പാറമേക്കാവ് പത്മനാഭൻ വിടവാങ്ങി; വിടവാങ്ങിയത് ആനകളിലെ സുന്ദരൻ, തൃശൂർ പൂരത്തിന്റെ നായക പ്രമാണി
ഗജരാജൻ പാറമേക്കാവ് പത്മനാഭൻ വിടവാങ്ങി; വിടവാങ്ങിയത് ആനകളിലെ സുന്ദരൻ, തൃശൂർ പൂരത്തിന്റെ നായക പ്രമാണി
കൊമ്പൻ പാറമേക്കാവ് പത്മനാഭൻ ചരിഞ്ഞു. ഒരാഴ്ചയായി ശരീര തളർച്ചയെ തുടർന്ന് ചികിൽസയിലായിരുന്നു. അൽപ്പം മുമ്പാണ് പാറമേക്കാവിന്റെ ആനക്കൊട്ടിലിലാണ് അന്ത്യം. കാലിൽ നീർകെട്ടിനെ തുടർന്ന് വേദനയിലായിരുന്നു. കഴിഞ്ഞയാഴ്ച നടക്കുന്നതിനിടെ കുഴഞ്ഞു വീണ ആനയെ ക്രെയിൻ ഉപയോഗിച്ച് എഴുന്നേൽപ്പിച്ച് നിറുത്തിയെങ്കിലും വീണ്ടും കുഴഞ്ഞു വീഴുകയായിരുന്നു. ചികിൽസ പുരോഗമിക്കുന്നതിനിടയിലാണ് ആന ചരിഞ്ഞത്. പാറമേക്കാവ് വിഭാഗത്തിന്റെ പകല്പ്പൂരത്തിന് കുടമാറ്റമുള്പ്പെടെയുള്ളവയ്ക്ക് കോലമേറ്റുന്നത് പത്മനാഭനാണ്.നന്തിലത്ത് ഗോപുവാണ് പത്മനാഭനെ തൃശൂരില് എത്തിച്ചത്. പിന്നീട് പാറമേക്കാവ് ദേവസ്വം വാങ്ങുകയായിരുന്നു.