Thiruvananthapuram
ഇന്ന് അര്ധരാത്രി മുതല് 24 മണിക്കൂര് കെഎസ്ആര്ടിസി പണിമുടക്ക്
സംസ്ഥാനത്ത് ഇന്ന് അര്ധരാത്രി മുതല് 24 മണിക്കൂര് പണിമുടക്ക് പ്രഖ്യാപിച്ച് കെഎസ്ആര്ടിസിയിലെ പ്രതിപക്ഷ യൂണിയന്. ശമ്പള പ്രതിസന്ധിയെ കുറിച്ച് ചര്ച്ച ചെയ്യാന് ഗതാഗത മന്ത്രിയുടെ നേതൃത്വത്തില് വിളിച്ച യോഗം പരാജയപ്പെട്ട പശ്ചാത്തലത്തിലാണ് പണിമുടക്ക് പ്രഖ്യാപിച്ചത്. സര്ക്കാര് ഇടപെടല് ഫലപ്രദമല്ലെന്ന് പ്രതിപക്ഷ യൂണിയനുകള് കുറ്റപ്പെടുത്തി ശമ്പളം മുടക്കില്ലെന്ന് മന്ത്രി പലവട്ടം ഉറപ്പു തന്നതാണ്. എന്നാല് ഇതുവരെ ആ വാക്ക് പാലിക്കാന് ഗതാഗത മന്ത്രിക്കൊ കെഎസ്ആര്ടിസി മാനേജ്മെന്റിനോ കഴിഞ്ഞിട്ടില്ല.