വെളിയങ്കോട് ഗ്രാമ പഞ്ചായത്ത് പ്രത്യേക ഗ്രാമസഭ ചേർന്നു
വെളിയങ്കോട് ഗ്രാമ പഞ്ചായത്ത് പ്രത്യേക ഗ്രാമസഭ ചേർന്നു
എരമംഗലം:സ്വതന്ത്ര്യത്തിൻ്റെ എഴുപത്തിയഞ്ചാം വാർഷികത്തിൽ
ആസാദി കാ അമ്യത് മഹോത്സവത്തിൻ്റെ ഭാഗമായി ദേശീയ പഞ്ചായത്ത് രാജ് ദിനത്തോടനുബന്ധിച്ച് വെളിയങ്കോട് ഗ്രാമപഞ്ചായത്തിൽ ചേർന്ന "വൈബ്രൻ്റ് " ഗ്രാമ സഭ എന്ന പ്രത്യേക ഗ്രാമസഭ ഗ്രാമ പഞ്ചായത്ത് പ്രസിഡൻ്റ് കല്ലാട്ടേൽ ഷംസു ഉദ്ഘാടനം ചെയ്തു.സുസ്ഥിര വികസനത്തിൻ്റെ കേന്ദ്ര ബിന്ദു ജനങ്ങളാണ് എന്ന തിരിച്ചറിവോടെ എല്ലാവർക്കും തുല്യമായ സാമ്പത്തിക , സാമൂഹിക വളർച്ചയും ,സുരക്ഷിതത്വവും , പരിസ്ഥിതി സംരക്ഷണം ,ജല പര്യാപ്ത ഗ്രാമം , ആരോഗ്യ ഗ്രാമം , ശിശു സൗഹ്യദ പഞ്ചായത്ത് , തുടങ്ങിയവ സദ്ഭരണത്തിലൂടെ നടപ്പിലാക്കുന്നത് വഴി ഗ്രാമത്തിൻ്റെ വളർച്ച വേഗത്തിലാക്കാൻ കഴിയുമെന്ന് ഗ്രാമസഭ ചർച്ചയിൽ അഭിപ്രായപ്പെട്ടു .യോഗത്തിൽ സ്റ്റാൻ്റിംഗ് കമ്മിറ്റി ചെയർമാൻ സെയ്ത് പുഴക്കര അധ്യക്ഷത വഹിച്ചു .സ്റ്റാൻ്റിംഗ് കമ്മിറ്റി ചെയർപേഴ്സൺ റംസി റമീസ് , പഞ്ചായത്ത് അംഗം ഹുസ്സെൻ പാടത്തകായിൽ , സെക്രട്ടറി കെ.കെ. രാജൻ ,
കെ.എം.അനന്തക്യഷ്ണൻ,
ഷെമീർ ഇടിയാട്ടേൽ , ടി. കെ . ഫസലു റഹ്മാൻ , പി.ബി.ഷെമീർ ,തുടങ്ങിയവർ സംസാരിച്ചു.ഹരിത കേരളം ജില്ലാ
കോ - ഓർഡിനേറ്റർ കെ.പി. രാജൻ , കില ഫാക്കൽറ്റികളായ മഞ്ചേരി പ്രകാശൻ , പി. അശോകൻ തുടങ്ങിയവർ ക്ലാസ്സെടുത്തു . നിർവ്വഹണ ഉദ്യോഗസ്ഥർ , കുടുംബശ്രീ, ആശ , അങ്കൺവാടി , തൊഴിലുറപ്പ് പ്രതിനിധികൾ
തുടങ്ങിയവർ പങ്കെടുത്തു.