National
ആന്ധ്രാ പ്രദേശിൽ മിന്നലേറ്റ് നാല് മരണം
ആന്ധ്രാ പ്രദേശിൽ ഇടിമിന്നലേറ്റ് രണ്ട് സ്ത്രീകളടക്കം നാല് മരണം. കുർണൂൽ ജില്ലയിലാണ് സംഭവം. വ്യാഴാഴ്ച വൈകുന്നേരം പെയ്ത മഴയിൽ ഇവർക്ക് മിന്നലേൽക്കുകയായിരുന്നു. കുപ്പളയിലെ പാടത്തുനിന്ന് പണി കഴിഞ്ഞ് വരികയായിരുന്ന സ്ത്രീകൾക്ക് മിന്നലേറ്റ് ഉടൻ മരണപ്പെട്ടു. മിനിട്ടുകൾക്ക് ശേഷം ഇതേ ഗ്രാമത്തിലെ മറ്റൊരു പാടത്ത് പണിയെടുക്കുകയായിരുന്ന രണ്ട് പുരുഷന്മാർക്ക് മിന്നലേറ്റ് ഇവരും ഉടൻ തന്നെ മരണത്തിനു കീഴടങ്ങി.