Malappuram
രണ്ടാം തോല്വി, സര്വീസസിന്റെ സെമി സാധ്യത മങ്ങി
മലപ്പുറം: സന്തോഷ് ട്രോഫി ഫുട്ബോള് ചാമ്പ്യന്ഷിപ്പില് നിലവിലെ ചാമ്പ്യന്മാരായ സര്വീസസിനെ അട്ടിമറിച്ച് കര്ണാടക. എതിരില്ലാത്ത ഒരു ഗോളിനാണ് കര്ണാടക സര്വീസസിനെ തോല്പ്പിച്ചത്. 38 ാം മിനുട്ടില് വലതു വിങ്ങില് നിന്ന് സോലൈമലൈ ഉയര്ത്തി നല്ക്കിയ പാസ് അന്കിത് ഉഗ്രന് ഹെഡറിലൂടെ ഗോളാക്കി മാറ്റുകയായിരുന്നു. ഇതോടെ രണ്ട് മത്സങ്ങളില് നിന്ന് ഒരു ജയവും ഒരു സമനിലയുമായി നാല് പോയിന്റോടെ കര്ണാടക ഗ്രൂപ്പില് ഒഡീഷക്കൊപ്പമാണ്. ഇരുവര്ക്കും തുല്യപോയിന്റും തുല്യ ഗോള് ശരാശരിയുമാണ്. മൂന്ന് മത്സരങ്ങളില് നിന്ന് രണ്ട് തോല്വിയും ഒരു ജയവുമായി മൂന്ന് പോയിന്റാണ് സര്വീസസിന് ഉള്ളത്. ഈ തോല്വിയോടെ സര്വീസസിന്റെ സെമി ഫൈനല് യോഗ്യതക്ക് മങ്ങലേറ്റു.