28 March 2024 Thursday

ഗുജറാത്തിനെ തോൽപ്പിച്ച് മണിപ്പൂർ ഗ്രൂപ്പിൽ ഒന്നാമത്

ckmnews

മലപ്പുറം: സന്തോഷ് ട്രോഫി ചാമ്പ്യൻഷിപ്പിൽ ഗുജറാത്തിനെ തോൽപ്പിച്ച് മണിപ്പൂർ ഗ്രൂപ്പ് ബിയിൽ ഒന്നാമത്. എതിരില്ലാത്ത രണ്ട് ഗോളുകൾക്കാണ് മണിപ്പൂർ ഗുജറാത്തിനെ തോൽപ്പിച്ചത്. ചാമ്പ്യൻഷിപ്പിലെ ഗുജറാത്തിന്റെ രണ്ടാം തോൽവിയാണിത്.


ഇതോടെ ഗുജറാത്തിന്റെ സെമി ഫൈനൽ പ്രതീക്ഷയ്ക്ക് മങ്ങലേറ്റു. കളിച്ച രണ്ട് മത്സരവും തോറ്റ ഗുജറാത്ത് ഗ്രൂപ്പ് ബിയിൽ അവസാന സ്ഥാനത്താണ്. മണിപ്പൂരിനായി സുധിർ ലൈതോൻജം ഒരു ഗോൾനേടി. ഗുജറാത്തിന്റെ മലയാളി പ്രതിരോധതാരം സിദ്ധാർത്ഥ് സുരേഷ് നായർ നേടിയ സെൽഫ് ഗോളും മണിപ്പൂരിന്റെ ഗോൾ പട്ടികയിലുണ്ട്.