Thiruvananthapuram
കെഎസ്ആര്ടിസി പ്രതിസന്ധി; കഴിഞ്ഞ മാസത്തെ ശമ്പളം നാളെയോടെ വിതരണം ചെയ്യുമെന്ന് മാനേജ്മെന്റ്
കെഎസ്ആര്ടിസി ജീവനക്കാരുടെ കഴിഞ്ഞ മാസത്തെ ശമ്പളം നാളയോടെ വിതരണം ചെയ്യാനാകുമെന്ന് മാനേജ്മെമെന്റ്. സര്ക്കാര് അനുവദിച്ച 30 കോടി ഉടന് കോര്പ്പറേഷന്റെ അക്കൗണ്ടിലെത്തും. ബാങ്കില് നിന്ന് ഓവര് ഡ്രാഫ്റ്റ് കൂടിയെടുത്ത് മുഴുവന് ശമ്പളവും നല്കാനാണ് നീക്കം. 50 കോടിയുടെ ഓവര് ഡ്രാഫ്റ്റാണെടുക്കുക.
കെഎസ്ആര്ടിസിയില് മുടങ്ങിക്കിടക്കുന്ന ശമ്പളം വിതരണം ചെയ്യാത്തതില് തൊഴിലാളി യൂണിയനുകള് ഓരോ ദിവസവും സമരം കടുപ്പിക്കുകയാണ്. ഈ മാസം 28 ന് ഭരണാനുകൂല സംഘടനകളും അടുത്ത മാസം 6 ന് പ്രതിപക്ഷ സംഘടനയും പണിമുടക്ക് പ്രഖ്യാപിച്ചിട്ടുണ്ട്.