വെളിയങ്കോട് ജല ജീവൻ പദ്ധതിക്ക് തുടക്കമായി
വെളിയങ്കോട് ജല ജീവൻ പദ്ധതിക്ക് തുടക്കമായി
എരമംഗലം :വെളിയങ്കോട് പഞ്ചായത്തിലെ കുടിവെള്ള ക്ഷാമം പൂർണ്ണമായും പരിഹരിക്കുന്നതിൻ്റെ ഭാഗമായി , വീടുകളിൾ ശുദ്ധമായ കുടിവെള്ള ലഭ്യത ഉറപ്പുവരുത്തുന്നതിന് വേണ്ടി കേന്ദ്ര - സംസ്ഥാന സർക്കാറുകൾ പഞ്ചായത്തിൻ്റെ ഉടമസ്ഥതയിൽ നടപ്പിലാക്കുന്ന ഗ്രാമീണ ശുദ്ധജല വിതരണ പദ്ധതിയായ ജലജീവൻ
മിഷ്യൻ്റെ പഞ്ചായത്ത് തല ജനകീയ ജലസഭ പി നന്ദകുമാർ എം .എൽ .എ . ഉദ്ഘാടനം ചെയ്തു.ഗ്രാമ പഞ്ചായത്ത് പ്രസിഡൻ്റ് കല്ലാട്ടേൽ ഷംസു അധ്യക്ഷത വഹിച്ചു.ബ്ലോക്ക് പഞ്ചായത്ത് പ്രസിഡൻ്റ് ഇ സിന്ധു.മുഖ്യ പ്രഭാഷണം നടത്തി.കേരള വാട്ടർ അതോറിറ്റി അസിസ്റ്റൻ്റ് എക്സിക്യൂട്ടീവ് എഞ്ചിനീയർ സന്തോഷ് കുമാർ . ഇ .എസ് , KARD പ്രൊജക്ട് ഹെഡ് , . കെ. ഡി.ജോസഫ് തുടങ്ങിയവർ പദ്ധതി വിശദീകരിച്ചു.ഗ്രാമ പഞ്ചായത്ത് വൈസ് പ്രസിഡൻ്റ് ഫൗസിയ വടക്കേപ്പുറത്ത് സ്വാഗതം പറഞ്ഞ ചടങ്ങിൽ ജില്ലാ പഞ്ചായത്ത് അംഗങ്ങളായ എ.കെ. സുബൈർ , ആരിഫ നാസർ , ബ്ലോക്ക് പഞ്ചായത്ത് സ്റ്റാൻ്റിംഗ് കമ്മിറ്റി ചെയർപേഴ്ണൻ
താജുന്നിസ , ഗ്രാമ പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻമാരായ മജീദ് പാടിയോടത്ത് , സെയ്ത് പുഴക്കര , റംസി റമീസ് , ബ്ലോക്ക് മെമ്പർ നൂറുദ്ധീൻ പോഴത്ത് , പഞ്ചായത്ത് അംഗങ്ങളായ ഹുസ്സൈൻ
പാടത്തകായിൽ , ഷീജ സുരേഷ് , വിവിധ സംഘടനകളെ പ്രതിനിധീകരിച്ച് , കെ.എം . അനന്തകൃഷ്ണൻ , സുനിൽ കാരാട്ടേൽ , പി. രാജൻ , ഷമീർഇടിയാട്ടേൽ , പി. എൻ . മുഹമ്മദ് കുഞ്ഞിമോൻ , കെ. രാമകൃഷണൻ , എം.സി. നസീർ , വി. പി. അലി തുടങ്ങിയവർ സംസാരിച്ചു.പദ്ധതി പ്രകാരം 8100 വീടുകളിലേക്ക് പൈപ്പിലൂടെ ശുദ്ധമായ കുടിവെള്ളമെത്തിക്കുന്നതിന് , 71 - കോടി രൂപയുടെ ഭരണാനുമതിയാണ് ലഭ്യമായിട്ടുള്ളത് . ഗ്രാമ പഞ്ചായത്ത്
പരിധിക്കുള്ളിൾ 120 കിലോമീറ്റർ നീളത്തിൽ 42 കോടി രൂപ ചെലവിട്ട് വിതരണ ശൃംഖല ഒരുക്കുന്നതിന് കേരള വാട്ടർ അതോറിറ്റി , മിഡ്ലാൻ്റ് എഞ്ചിനീയറിംഗ് കമ്പിനിയുമായി കരാർ ചെയ്തിട്ടുണ്ട് . നേരത്തെ ഗ്രാമ പഞ്ചായത്ത് , കേരള വാട്ടർ അതോറിറ്റിയുമായും പദ്ധതിയുടെ സഹായ ഏജൻസിയായ കേരള അസോസിയേഷൻ ഫോർ റൂറൽഡവലപ്പ്മെൻൻ്റ് മായും ത്രികക്ഷി കരാറിൽ ഏർപ്പെട്ടിരുന്നു.രണ്ട് മാസത്തിനുള്ളിൾ പഞ്ചായത്തിലെ ദേശീയ , സംസ്ഥാന , പഞ്ചായത്ത് റോഡുകക്ക് അടിയിലൂടെ പൈപ്പ് ലൈൻ സ്ഥാപിക്കുന്നതിൻ്റെ പ്രവ്യത്തി ആരംഭിക്കും.22 ലക്ഷം ലിറ്റർ കപ്പാസിറ്റിയുള്ള ടാങ്ക് നിർമ്മിക്കുന്നതിന് 30 സെൻ്റ് സ്ഥലം പൊതു ജന പങ്കാളിത്തത്തോടെ കണ്ടെത്തി നല്കുന്നതിനും ഇതിനായി പ്രത്യേക യോഗം ചേരുന്നതിനും , 2023 അവസാനത്തോടെ പദ്ധതി പൂർത്തീകരിക്കുന്നതിനും തീരുമാനിച്ചു.എരമംഗലം കിളിയിൽ പ്ലാസ ഓഡിറ്റോറിയത്തിൽ വെച്ച് നടന്ന ജലസഭ യോഗത്തിൽ
ജനപ്രതിനിധികൾ , പൗര പ്രമുഖർ , രാഷ്ട്രീയ - സാമൂഹ്യ - സാംസ്കാരിക , സന്നദ്ധ പ്രതിനിധികൾ, കുടുംബശീ , അംഗൻവാടി , തൊഴിലുറപ്പ് പദ്ധതി , ആശ പ്രവർത്തകർ
തുടങ്ങിയവർ പങ്കെടുത്തു. ഗ്രാമപഞ്ചായത്ത് സെക്രട്ടറി കെ. കെ .രാജൻ നന്ദി പറഞ്ഞു .
