27 November 2022 Sunday

1 കോടി രൂപയുടെ സാമ്പത്തിക തട്ടിപ്പ്: അഞ്ച് വർഷമായി മുങ്ങിനടന്ന തട്ടിപ്പുകാരി ഒടുവിൽ വലയിൽ

ckmnews


നിരവധി സാമ്പത്തിക കുറ്റകൃത്ത്യങ്ങളിലേർപ്പെട്ട ശേഷം അഞ്ച് വർഷമായി പൊലീസിന്റെ കണ്ണുവെട്ടിച്ച് മുങ്ങിനടന്ന തട്ടിപ്പുകാരി ഒടുവിൽ വലയിലായി. പത്തനംതിട്ട കുളനട ഞെട്ടൂർ സന്തോഷ് ഭവനിൽ കല ടി. നായരാണ് (54) അറസ്റ്റിലായത്.

റെയിൽവേയിൽ ജോലി വാങ്ങി നൽകാമെന്ന് വാഗ്ദാനം നൽകി ഒരാളിൽനിന്ന് 15 പവനും 1 ലക്ഷം രൂപയും വാങ്ങി കബളിപ്പിച്ചതായി വട്ടപ്പാറ സ്റ്റേഷനിൽ രജിസ്റ്റർ ചെയ്ത കേസിൽ 5 വർഷമായി മുങ്ങി നടക്കുകയായിരുന്നു പ്രതി. 2012 മുതൽ 2017 വരെ വട്ടപ്പാറ, വെമ്പായം തുടങ്ങിയ സ്ഥലങ്ങളിൽ താമസിച്ചാണ് തട്ടിപ്പ് നടത്തിയത്. ഈ കാലയളവിൽത്തന്നെ മറ്റു പലരിൽ നിന്നുമായി 1 കോടിയോളം രൂപ തട്ടിച്ചതായും വിവിധ സ്റ്റേഷനുകളിൽ പരാതി ലഭിച്ചിട്ടുണ്ട്.

ckmnews