28 March 2024 Thursday

ലോറി കാറിനുമേല്‍ മറിഞ്ഞു; 5 പേര്‍ മരിച്ചു, നിരവധി പേർക്ക് പരിക്ക് . ജാര്‍ഖണ്ഡിലുണ്ടായ അപകടത്തിൻ്റെ ദൃശ്യം കാണാം

ckmnews

ന്യൂഡല്‍ഹി: ജാര്‍ഖണ്ഡിലുണ്ടായ അപകടത്തില്‍ നിയന്ത്രണംവിട്ട ട്രക്ക് വാഹനങ്ങളില്‍ ഇടിച്ച് അഞ്ച് പേര്‍ മരിച്ചു. അമിതവേഗതയിലെത്തിയ ട്രെയിലര്‍ ട്രക്ക് അഞ്ചോളം വാഹനങ്ങളെ ഇടിച്ചുതെറിപ്പിച്ചതിന് ശേഷം ഒരു കാറിന് മുകളിലേക്ക് മറിയുകയായിരുന്നു. അപകടത്തില്‍ നിരവധി പേര്‍ക്ക് പരിക്കേറ്റു. അപകടത്തിന്‍റെ സിസിടിവി ദൃശ്യങ്ങള്‍ പുറത്തുവന്നു.


ജാര്‍ഖണ്ഡിലെ രാംഗഡ് പോലീസ് സ്റ്റേഷന്‍ പരിധിയില്‍ പട്ടേല്‍ ചൗക്കിന് സമീപമുള്ള ഹൈവേയിലാണ് അപകടം നടന്നത്. സംഭവസ്ഥലത്തു തന്നെ അഞ്ചു പേര്‍ മരണപ്പെട്ടു. പരിക്കേറ്റ മറ്റുള്ളവരെ അടുത്തുള്ള ആശുപത്രികളിലേക്ക് മാറ്റി. 


ബ്രേക്ക് തകരാര്‍ മൂലം ട്രെയിലര്‍ ട്രക്ക് ഡ്രൈവര്‍ക്ക് വാഹനത്തിന്റെ നിയന്ത്രണം നഷ്ടപ്പെട്ടതാണ് അപകടത്തിന് കാരണമെന്ന് വാര്‍ത്താ ഏജന്‍സി പിടിഐ റിപ്പോര്‍ട്ട് ചെയ്തു