Pathanamthitta
ബന്ധുവിനെ യാത്രയാക്കാനെത്തിയ യുവതി ട്രെയിനിന് അടിയിൽപ്പെട്ട് മരിച്ചു
തിരുവല്ലയിൽ ബന്ധുവിനെ യാത്രയാക്കാനെത്തിയ യുവതി ട്രെയിനിന് അടിയിൽപ്പെട്ട് മരിച്ചു. തിരുവല്ല റെയിൽവേ സ്‌റ്റേഷനിൽ വച്ചാണ് അപകടം നടന്നത്. കുന്നന്താനം സ്വദേശി അനു ഓമനക്കുട്ടനാണ് മരിച്ചത്. ശബരി എക്‌സ്പ്രസിൽ നിന്നും റെയിൽവേ പാളത്തിലേക്ക് വീണാണ് അപകടം ഉണ്ടായത്. രാവിലെ 11 മണിക്കാണ് അപകടം സംഭവിച്ചത്.ബിന്ദുവിനെ യാത്രയാക്കാൻ ട്രെയിനിൽ കയറി തിരിച്ചിറങ്ങുമ്പോഴാണ് പാളത്തിലേക്ക് വീണത്. അനുവിന്റെ വസ്ത്രം ട്രെയിനിൽ കുടുങ്ങിയാണ് പാളത്തിലേക്ക് വീണത്, തുടർന്നാണ് ട്രെയിൻ അപകടം സംഭവിച്ചതെന്നാണ് വിവരം. ശേഷം അനുവിനെ ആശുപത്രിയിൽ എത്തിക്കാൻ ശ്രമം ഉണ്ടായെങ്കിലും അതിനിടയിൽ ജീവൻ നഷ്ടപ്പെടുകയായിരുന്നു. ഇതുമായി ബന്ധപ്പെട്ട വിശദമായ പരിശോധന റെയിൽവേ പൊലീസിന്റെ ഭാഗത്ത് നിന്നും ആരംഭിച്ചു.
