യുഎഇയില് വീണ്ടും ഹൂതി ആക്രമണ ശ്രമം; മിസൈലുകളെ തടുത്ത് യു എ ഇ : സൗദിക്ക് നേരെയും ഹൂതി ആക്രമണം,
സൗദിക്ക് നേരെയും ഹൂതി ആക്രമണം, വ്യവസായ മേഖല ലക്ഷ്യമിട്ടു, 2 ഡ്രോണുകള് സഖ്യസേന തകര്ത്തു
അബുദാബി: യുഎഇയിലേക്ക് വീണ്ടും ഹൂതി വിമതരുടെ ആക്രമണം. ഇന്ന് പുലര്ച്ചെ 4.30 ഓടെ രണ്ട് ബാലിസ്റ്റിക്ക് മിസൈലുകള് യുഎയിലേക്ക് ഹൂതികള് തൊടുത്തു. എന്നാല് ഇവ തകര്ത്തെന്ന് യുഎഇ പ്രതിരോധ മന്ത്രാലയം അറിയിച്ചു. അബുദാബി ലക്ഷ്യമാക്കി തൊടുത്ത മിസൈലുകളാണ് തകര്ത്തത്. മിസൈലുകളുടെ അവശിഷ്ടങ്ങള് അബുദാബിയില് പതിച്ചു. സുരക്ഷ ഉറപ്പാക്കാനുള്ള എല്ലാ നടപടികളും സ്വീകരിച്ചതായി ആഭ്യന്തരമന്ത്രാലയം അറിയിച്ചു.
കഴിഞ്ഞയാഴ്ച്ച യുഎഇയുടെ ഏറ്റവും വലിയ എണ്ണ കമ്പനിയായ അഡ്നോക്കിന്റെ മുസഫയിലെ സംഭരണ കേന്ദ്രത്തിന് സമീപവും അബുദാബി വിമാനത്താവളത്തിന്റെ പുതിയ നിര്മ്മാണ മേഖലയിലും ഹൂതികള് നടത്തിയ സ്ഫോടനത്തില് മൂന്നുപേര് മരിച്ചിരുന്നു. പിന്നാലെ യുഎഇയിലെ പൊട്ടിത്തെറി തങ്ങളുടെ സൈനിക നടപടിയായിരുന്നു എന്ന് യമനിലെ ഹൂതി വിമതർ അവകാശപ്പെട്ടിരുന്നു.