ചാലിശ്ശേരി യാക്കോബായ സുറിയാനി പള്ളിയിൽ എട്ടു നോമ്പ് പെരുന്നാൾ:അനുസ്മരണ സമ്മേളനം നടത്തി
ചാലിശ്ശേരി യാക്കോബായ സുറിയാനി പള്ളിയിൽ
എട്ടു നോമ്പ് പെരുന്നാൾ:അനുസ്മരണ സമ്മേളനം നടത്തി
ചങ്ങരംകുളം:ചാലിശ്ശേരി സെൻ്റ് പീറ്റേഴ്സ് ആൻ്റ് സെൻ്റ് പോൾസ് യാക്കോബായ സുറിയാനി പള്ളിയിൽ വിശുദ്ധ ദൈവമാതാവിൻ്റെ എട്ടുനോമ്പ് പെരുന്നാളിനോട് അനുബന്ധിച്ച് അനുസ്മരണ സമ്മേളനം നടത്തി.കോവിഡ് മാനദണ്ഡങ്ങൾ പാലിച്ച്
ഞായറാഴ്ച രാവിലെ ഡോ .കെ മാണി രാജൻ കോർ- എപ്പിസ്കോപ്പ വിശുദ്ധ കുർബ്ബാന , മദ്ധ്യസ്ഥ പ്രാർത്ഥനക്കും കാർമ്മികനായി വികാരി സഹകാർമ്മികത്വം വഹിച്ചു.പള്ളി സ്ഥാപിച്ച അന്ത്യോഖ്യാ സിംഹാസന പ്രതിനിധി പരിശുദ്ധ യൂയാക്കീം മോർ കൂറിലോസ് ബാവ , മലങ്കരയുടെ പ്രകാശഗോപുരം പുണ്യശ്ലോകനായ കാലം ചെയ്ത ശ്രേഷ്ഠ കാതോലിക്ക മോർ ബസേലിയോസ് പൗലോസ് ദ്വിതീയൻ ബാവ , ഇടവക വികാരിമാരായ ഫാ.ജോബ് അരിമ്പൂർ ,ഫാ.ജയിംസ് ഡേവീഡ് അരിമ്പൂർ കശീശാമാരുടെയും സംയുക്ത അനുസ്മരണ സമ്മേളനം നടത്തി.ഡോ.കെ മാണി രാജൻ കോർ-എപ്പിസ്കോപ്പ അനുസ്മരണ പ്രഭാഷണം നടത്തി .വികാരി ഫാ.ജെക്കബ് കക്കാട്ടിൽ , ട്രസ്റ്റി
ജിജോ ജെക്കബ് ,സെക്രട്ടറി കെ.സി.വർഗ്ഗീസ് ,ഭദ്രാസന കൗൺസിൽ അംഗം സി.യു രാജൻ എന്നിവർ സംസാരിച്ചു.ഞായറാഴ്ച സന്ധ്യ നമസ്ക്കാരത്തിനു ശേഷം ജെക്കബ് നടുവേലിൽ പുത്തൻപുരയിൽ കോർ - എപ്പിസ്കോപ്പ വചനപ്രഘോഷണം നടത്തി.എട്ടാം തിയ്യതി വിശുദ്ധ കുർബ്ബാനക്ക് കുരിയാക്കോസ് മോർ യൗസേബിയോസ് മെത്രാപ്പോലീത്ത മുഖ്യകാർമ്മികത്വം വഹിക്കും.പെരുന്നാളിന് വികാരി ഫാ.ജെക്കബ് കക്കാട്ടിൽ , ട്രസ്റ്റി ജിജോ ജെക്കബ് ,സെക്രട്ടറി കെ.സി.വർഗ്ഗീസ് , മാനേജിംഗ് കമ്മറ്റി അംഗങ്ങൾ ,വിവിധഭക്ത സംഘടനകൾ എന്നിവർ നേതൃത്വം നൽകും.