ശക്തമായ കാറ്റിനു സാധ്യത; മത്സ്യത്തൊഴിലാളികള് ജൂലൈ 17 വരെ കടലില് പോകരുത്
തിരുവനന്തപുരം: കേരള-കര്ണാടക-ലക്ഷദ്വീപ് തീരങ്ങളില് ഇന്നു (13 ജൂലൈ) മുതല് ജൂലൈ 17 വരെ മണിക്കൂറില് 45 മുതല് 55 കി.മീ. വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാല് ഈ ദിവസങ്ങളില് മത്സ്യത്തൊഴിലാളികള് കടലില് പോകരുത്.
ഇന്നും നാളെയും (ജൂലൈ 13, 14) മധ്യ പടിഞ്ഞാറന്, തെക്ക് പടിഞ്ഞാറന് ബംഗാള് ഉള്ക്കടലില് മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി.മീ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.
തെക്ക് പടിഞ്ഞാറന്, മധ്യ, വടക്ക് കിഴക്കന് അറബിക്കടലില് ഇന്നു (ജൂലൈ 13) മുതല് 17 വരെ മണിക്കൂറില് 40 മുതല് 50 കി.മീ വരെ വരെ വേഗതയിലും ചില അവസരങ്ങളില് 60 കി.മീ വേഗതയിലും വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കിയിട്ടുണ്ട്. അതിനാല് ഈ ദിവസങ്ങളില് ഈ പ്രദേശങ്ങളില് മത്സ്യബന്ധനത്തിനും പോകരുത്.